Det er snart jul og julenissen har allereie vore innom gjengen på Osneset. Mare Safety har nemleg nyleg signert ny kontrakt i ny marknad for bygging av ein 15 meter spesialtilpassa båt for havbruksnæringa. Oppdragsgjevar er det Rørvik-baserte reiarlaget, Emilsen Sjøservice AS, som er ein del av Emilsen gruppa. www.emilsen.no

Det nye designet får namnet Mare PW15, og er basert på konstruksjonen til det marknadsleiande og fleksible fartøyet Mare DC15.
– Dette er eit solid skrog som er designa for å kunne operere i ekstreme forhold, og kan tilpassast ulike formål. Eigenskapane passar godt blant anna som redningsbåt, arbeidsbåt, patruljebåt og personaltransport, fortel salssjef i Mare Safety, Torstein Teigene. – Og, no også innan havbruk.

Skreddarsydd for maksimal funksjonalitet

Salssjefen er stolt over ny kontrkat tt oppdrag i ein ny marknad, men er tydeleg på at for å kunne levere eit best mogleg  produkt, uansett kunde eller marknad, er Mare Safety avhengig av eit tett samarbeid med oppdragsgjevar.
– Vi er gode på skrogkonstruksjon og bygging av båt, men for å designe den optimale båten tilpassa kunden sitt behov, treng vi tett dialog for å vite korleis dei ønsker å bruke den i det daglege. Dette har vi hatt med Emilsen! Kommunikasjonen her har vore svært god, og saman har vi skapt eit sluttprodukt med maksimal funksjonalitet, seier Torstein fornøgd.

Fleksibilitet og samarbeid

Kunden er også veldig fornøgd.
– Vi er imponerte over kor lydhøyre Mare Safety har vore i denne prosessen, deira fleksibilitet og korleis dei har tilpassa designet etter våre behov. No får vi ein båt som er perfekt for vårt arbeid i havbruksnæringa, og som vil bidra til å styrke vår posisjon innan ROV-segmentet, skryt Øyvind Horn, prosjektleiar i Emilsen Sjøservice.

Både han og Torstein gler seg til at båten skal ferdigstillast og overleverast hausten 2025.

Torstein takkar Øyvind for oppdraget.
– Dette har vore ein kjekk og lærerik prosess for oss. Med Mare PW15, vil Emilsen no få ein skreddarsydd båt for den jobben dei skal utføre. Den vil mellom anna bli utstyrt med overbygg, kran, vinsj, ROV-verkstad og -kontrollstasjon, to mannskapslugarar, dagrom, fullt utstyrt bad og ei romsleg og oversiktleg bru.

Kvalitet med fokusert tilnærming

Mare Safety har levert kvalitetsbåtar til ei rekke ulike marknadar, og dagleg leiar i Mare Safety, Are Garshol, fortel at dei heile vegen har vore bevisste på sin strategi; ei fokusert tilnærming til nøye utvalde bruksområder.

– Denne tilnærminga har vore basert på at vi skal byggje på den ekspertisen vi har, og utvikle denne grundig over tid. Vi starta med redningsbåt-marknaden, og er no å rekne som ein av dei leiande aktørane her. Så har vi jobba oss inn i offshore vind, der vi over nokre år har etablert oss som ein føretrekt leverandør av støttefartøy (Daughter Crafts) for mange av SOV-/CSOV-fartøya som har vorte bygd både lokalt og internasjonalt, til vindindustrien. No har vi valt å fokusere på havbruksnæringa, og denne kontrakten med Emilsen Sjøservice viser at vi kan både levere produkt som kunden vil ha, og vere konkurransedyktige på pris, også innanfor denne næringa. Dette lovar bra for framtida til Mare Safety, avsluttar Garshol.

https://www.mare.no

Det er gode tider for Mare Safety, med stor aktivitet og full produksjon i lokala på Osnes i Ulsteinvik. I desse dagar har ein ny arbeidsbåt av typen DC12WM blitt ferdigstilt, klar for overlevering til havvindmarknaden.

– Ja, dette er veldig kjekt for oss, seier Torstein Teigene, salssjef i Mare Safety.

– Arbeidsbåten er den andre i rekka, som vi på vegne av Rem Wind leverer til skipsverftet Vard Vung Tau i Vietnam. Båten skal installerast på eit av Rem sine nye konstruksjonsstøttefartøy der (CSOV) i løpet av våren 2024.  

Desse skipa blir bygde for å støtte konstruksjon og vedlikehald av havvindmølleparkar. Mare Safety er svært stolte av å igjen kunne levere eit av sine kvalitetsprodukt til dette formålet. Teigene har berre lovord å kome med om båten som no er overlevert.

– Mare DC12WM er ein spesialbåt tilpassa transport av mannskap og utstyr mellom CSOV og vindmøllturbinar. Båten blir mellom anna levert med eit komplekst eksosreinsesystem. Dermed oppfyller den dei strenge utsleppskrava EU no har pålagt skipsindustrien (Tier III).

Konkurransedyktig og kvalitetsikker båt frå Mare Safety

Det er J. Weiberg Gulliksen i Ålesund som har utvikla reinsesystemet, i tett samarbeid med Mare.

– Ja, dette er vi særs stolte over å ha fått til, seier dagleg leiar, Are Garshol. Systemet fantes ikkje på marknaden frå før, så då måtte vi designe det sjølve. JW Gulliksen er vår solide samarbeidspartnar over fleire år. Dei kjenner oss godt, og då behovet og kravet frå EU meldte seg, var dei snare til å utvikle ein prototype vi kunne bruke.

Harald W Gulliksen, salssjef i firmaet, er også veldig fornøgd med oppdraget. – No har vi levert reinsesystemet til to av Mare sine DC12WM båtar, og heile prosjektet og implementeringa har gått smertefritt. Faktisk er vi den einaste leverandøren som kan levere dette systemet, og vi er glade for at vi har klart å tilfredsstille kunden sitt behov, slik at dei igjen kan levere ein konkurransedyktig og kvalitetssikker båt.

– Her er det også viktig å nemne at denne arbeidsbåten er fullspekka med spesialutstyr, som gjer den enda betre rusta i havvindsegmentet, skyt Teigene inn. – Blant anna har vi installert eit vaskesystem for vindmøllefundament, samt ein gyrostabilisator for å halde båten stabil under dei verste forhold. Dermed har båten ein større fleksibilitet og kan operere i dei fleste vêrutsette områda.

Den maritime klynga skapar innovasjon

Han er tydleg på at Mare Safety dei siste åra har jobba målretta mot å bli den føretrekte leverandøren av spesialbåtar til vindmarknaden. Denne bransjen stiller ekstraordinære krav til ytelse og haldbarheit, og Torstein meiner at spesielt modellen Mare DC12WM tilfredsstiller og utmerkar seg som eit kvalitetsprodukt her.

– Gjennom konstruktive tilbakemeldingar frå kundane våre har vi etterkvart skapt eit produkt som stiller i særklasse i dette segmentet. Det er gledeleg å sjå at arbeidet vi har lagt ned gir resultat, og at denne kontrakten med Vard, saman med andre leveransar innanfor dette segment, stadfestar Mare Safety sin anerkjente posisjon som leverandør av arbeidsbåtar til havvind, poengterer Torstein.

– Ja, vi er heldige som har den framoverlente gjengen i Rem Wind med på laget. Dei kjem med ønske om eit produkt som ikkje eksisterer, og utfordrar oss på krav som ligg høgare enn det våre konkurrentar innfrir. Det likar vi. For dette gjer oss til ein attraktiv leverandør i marknaden, seier Garshol.

– Denne båten er eit prakteksempel på kva «den maritime klynga på Sunnmøre» faktisk er. Samspelet vi har med dei dyktige folka i Rem Wind som kunde, løysningsorienterte Gulliksen som underleverandør, og oss som innovative båtbyggjarar, er nettopp det som skapar innovasjon, avsluttar Torstein Teigene.

Les meir om Mare Safety på https://www.mare.no

Mare Safety seglar i medvind, og har nyleg signert kontrakt med verftskonsernet Vard, for leveranse av ein spesialbåt til Rem Offshore sitt nye vindfartøy.

– Vard skal byggje fleire slike konstruksjonsstøttefartøy (CSOV) til Rem Offshore si havvindsatsing. Desse skipa blir bygd for å støtte konstruksjon og vedlikehald av havvindturbinparkar, og vi er stolte av å kunne levere vårt kvalitetsprodukt som er spesielt tilpassa denne marknaden, fortel dagleg leiar i Mare Safety, Are Garshol.

Båten, ein Mare DC12WM, skal overleverast til Vard saman med davit på vårparten 2023, og produktsjef båt, Torstein Teigene, har berre lovord å seie om denne modellen.

– Dette er ein spesialbåt tilpassa transport av mannskap og utstyr mellom CSOV og vindturbinane. Båten oppfyller dei nye strenge utsleppskrava som EU har pålagt skipsindustrien (Tier III), og vi har også oppgradert den med mykje flott ekstrautstyr for betre ytelse og komfort, fortel Teigene.

Skaper kvalitet saman med kundane

Han er tydleg på at Mare Safety dei siste åra har jobba målretta mot å bli den føretrekte leverandøren av spesialbåtar til vindmarknaden. Denne bransjen stiller ekstraordinære krav til ytelse og haldbarheit, og Torstein meiner at spesielt modellen Mare DC12WM tilfredsstiller og utmerkar seg som eit kvalitetsprodukt her.

– Gjennom konstruktive tilbakemeldingar frå kundane våre har vi etter kvart skapt eit produkt som stiller i særklasse i dette segmentet. Det er gledeleg å sjå at arbeidet vi har lagt ned gir resultat, og at denne kontrakten med Vard, saman med andre leveransar innanfor dette segment, stadfestar Mare Safety sin anerkjente posisjon som leverandør av arbeidsbåtar til offshore wind.

Kommersiell sjef i Rem Offshore, Ronny Pål Kvalsvik, er heilt einig med Torstein her.  – Det er naturleg for oss å velje lokale leverandørar når dei leverer internasjonale produkt på dette nivået. Samtidig har Mare føretatt ei oppgradering og vidareutvikling av båten med både gyro-stabilisering og ikkje minst at den no tilfredsstiller utsleppskrava i IMO Tier III-føreskrifta. Dette er veldig viktig for oss, og gjer at vi er trygge på at Mare og DC12WM er det rette produktet for Rem.

– Mare leverte også ein spesialbåt til Rem Offshore i 2021. Det er ekstra gledeleg at lokale kundar kjem igjen og at Fosnavåg-reiarlaget no ynskjer fleire båtar av dette kaliberet. Det viser at vi gjer ting rett og leverer kvalitet, avsluttar Are Garshol.

Les meir om oss her:
https://www.mare.no/
https://www.facebook.com/maresafety

Mare Safety tek sommarferie med god samvittigheit. Etter solid innsats med intens jobbing er redningsbåten til Hordaland Røde Kors, RC Bjørgvin, endeleg klar for levering.

– Dette er ei skute vi er veldig stolte av å levere frå oss. Ikkje berre har båten unike sjøeigenskapar, den vil også gjere det viktige arbeidet for Røde Kors i Hordaland meir effektivt, fortel dagleg leiar i Mare Safety, Are Garshol.

Aukande utrykking

Røde Kors i Hordaland er ein viktig del av beredskapen på sjø i sin region, der dei hjelper til i søk og direkte redningsaksjonar i sitt området. Berre det siste året har dei måtte rykke ut til langt fleire oppdrag enn året før, og oppdragsmengda er dessverre aukande.

– Nettopp derfor er det så ekstremt viktig at vi har ein båt som fungerer optimalt i alle situasjonar. Det har vi no fått, takka vere eit fantastisk samarbeid med Mare Safety, skryt Terje Hårvik, leiar for Røde Kors-båten i Hordaland.

– Etter 15 år har den gamle slitaren gjort jobben sin. Og med hjelp av kronerulling og innsamling dei siste åra fekk vi endeleg moglegheita til å investere i ein ny og meir kostnadseffektiv redningsbåt.

Perfekt jomfrutur

Båten vart overlevert frå Mare Safety torsdag 30/6 kl. 0900, og gjengen frå Røde Kors sette straks kursen direkte mot Bergen saman med Torstein Teigene, produktsjef for båtar i Mare Safety.

– Turen sørover gjekk over all forventing, både med tanke på vêrforhold og korleis båten presterte. Røde Kors hadde på førehand publisert reiseruta i sosiale media, noko som førte til mange skodelystne på bryggjer og nes langs kysten sørover. Ved alle stopp strøyma det til med besøkande. Blant anna hadde vi representantar frå fleire avdelingar i Redningsselskapet og andre redningsetatar, som gjerne ville slå av ein prat og sjå nærmare på den flotte båten til RK Hordaland, fortel Teigene.

Allereie i teneste

– Etter 9 timar på blikstille hav og i strålande sol, la båten til kai ved Røde Kors sitt anlegg i Laksevåg i Bergen. Her vart vi godt mottekne av ein stor velkomstkomité med norske flagg og grillfest på kaia. Men grillfesten blei kort. Allereie etter ein halvtimes landligge måtte båten i teneste for redningssentralen og ut på sitt første redningsoppdrag, fortset Torstein.

– På dette prosjektet har kunden aktivt vore med for å fremme sine krav og forventingar til båten. Deira kunnskap om redningsaksjonar på havet kombinert med Mare sin fleksibilitet og kunnskap til båtbygging har resultert i eit fantastisk verktøy, som vi meiner vil vere avgjerande i arbeidet med å redde mange liv til havs i åra som kjem. Vi gratulerer Røde Kors i Hordaland med Noreg sin råaste redningsbåt, avsluttar Are Garshol!

Les meir om oss her:
https://www.mare.no/
https://www.facebook.com/maresafety

Etter levering av ein brannbåt til Kristiansandregionen brann og redning IKS (KBR) har Mare Safety no sikra seg nok ei kontrakt. Denne gongen med Røde Kors i Hordaland.

– I august overleverte vi vår største båt nokon sinne til KBR. Ein avansert og velutstyrt brann og redningsbåt, som representerte ein ny modell frå Mare Safety. Det er alltid spanande med nye produksjonar, og vi var særs spente på om båten ville innfri forventningane. No har brannbåten vore i dagleg drift sidan overtakinga i Kristiansand, og tilbakemeldingane er eksepsjonelt gode, fortel CEO i Mare, Are Garshol. – Ekstra gledeleg er det då at vi allereie no har fått ei ny kontrakt på ein båt av same typen.   

Tilbodskonkurranse

Røde Kors i Hordaland (RKH) har ei sentral rolle med beredskapen på sjø i sin region. Då i godt samarbeid med andre redningstenester i området. Saman har dei sett behovet for ein ny og betre båt, og med kronerulling og innsamling det siste året har dei endeleg fått på plass midlar til ein ny redningsbåt.

– Prosessen med Røde Kors har pågått i snart to år. Det heile starta med ei marknadsundersøking i starten av 2020 der RKH bad potensielle båtleverandørar om å presentere sine produkt. Vidare vart det gjennomført ein tilbodskonkurranse, der det til slutt vart signert kontrakt med den utvalde leverandøren, fortel Torstein Teigene, produktsjef for båt i Mare Safety.

– Konkuransen i dette segmentet er svært hard, og vi var heile fem båtbyggjarar med til slutt. At Mare kom sigrande ut, grunnar nok i fleire moment. Først og fremst dei unike sjøeigenskapane til båten, kombinert med pris og kvalitet. I tillegg var det nok utslagsgjevande at kunden sjølv får påverke byggjeprosessen fram mot det endelege produktet, supplerer Teigene.

God aktivitet

Etter ein nedgang i aktivitet i 2020, har 2021 gitt Mare Safety eit nytt løft. Både innan båt og bysse har det vore god aktivitet på nysal og ettermarknad, trass noko laber aktivitet ved norske skipsverft.

– Vi er heldige som leverer produkt som ikkje er segmentspesifikke, og då worldwide. Det vil alltid vere slik at det er ulikheiter i aktivitetsnivået mellom dei forskjellige maritime segmenta, men felles for alle er at dei treng både bysse, vaskeri og redningsbåt – og det er der vi kjem inn og leverer kvalitet, avsluttar Are Garshol.

Les meir om oss her:
https://www.mare.no/
https://www.facebook.com/maresafety

– Brannbåt Mare DC 14 Fire Fighter, er den største vi har bygd nokon gong, og vi er særs stolte over det vi har fått til, seier dagleg leiar i Mare Safety, Are Garshol.

Brannvesenet for Kristiansandregionen

Det er ein avansert brann- og redningsbåt av typen Mare DC 14 Fire Fighter, som no har blitt overlevert til oppdragsgjevar, Kristiansandregionen brann og redning IKS (KBR).

– KBR er brannvesenet for Vennesla, Kristiansand, Lillesand og Birknes kommune. Dei jobbar kvar dag for å hindre at nokon skal omkome i brann eller ulykke. Vi i Mare er stolte over at vår brannbåt no skal bli nytta i dette livsviktige arbeidet, seier produktsjef i Mare, Torstein Teigene.

Han er audmjuk over oppdraget dei fekk for om lag eit år sidan.

Skreddarsydd

– Vi i Mare er fleksible og flinke til å tilpasse og skreddarsy båtane etter kundane sine behov. Dette, i kombinasjon med gode referansar frå tidlegare leveransar i dette segmentet, var utslagsgjevande for at vi fekk dette oppdraget, poengterer han.

Og båten er så absolutt skreddarsydd, skyt Garshol inn. – Den er blant anna utstyrt med seks sitjeplassar. Der to av plassane er spesialtilpassa for dykkarane, slik at dei kan sitje med oksygenflaska festa på ryggen. Brannbåten har også fått installert det fremste utstyret innan framdrift. Det må til skal ein rekke fram i tide med ein såpass stor og tung båt. Den er 14,5 meter lang, 5 meter brei, og veg heile 14 tonn. Men med tusen hestekrefter klarer den likevel å yte nærare 40 knop. Båten er utstyrt med dynamisk posisjonering (DP), slik at båten i røff sjø kan halde seg heilt i ro.

Lokale krefter

– Det har også vore mykje lokale krefter i sving for å ferdigstille denne fantastiske båten, supplerer produktsjefen ivrig. – Vi har vår eiga avdeling på Larsnes som har lagt ned ein formidabel innsats med å finne dei gode løysingane saman med kunden. I tillegg er skroget produsert i Haugsbygda, styrehuset på Eggesbønes, dørene frå Libra Plast på Hareid og innreiing frå Rovde Møbel & Design. Det heile er supplert med ein råtøff refleksdekor frå designbyrået Tegneren i Ulsteinvik, avsluttar Torstein stolt.

Les meir om oss her:
https://www.mare.no/
https://www.facebook.com/maresafety

• 

• 

Tross ein krevjande marknad, har Mare Safety signert fleire nye kontraktar den siste tida. Både innan båt og bysse med nye og etablerte kundar.

…

Mare Safety med nye kontrakterRead More »